Hizkuntza idatziaren didaktika hobetu nahi dugu

Gaur hasiko da Getxoko berritzegunean aurtengo Hizkuntza idatziaren mintegia. Aurreko ikasturteetan bezala, elkartuko gara oinarri teorikoetan sakontzeko eta praktikaren hausnarketa egiteko.

Urteetan zehar Aprender a leer y escribir sitean antolatu dut prozesuari buruzko hainbat dokumentazioa: idatz-sistemaren garapena (Psikogenesia) Emilia Ferreiro eta Ana Teberoskyren ikerketak oinarritzat hartuta, gelarako proposamenak testu ezberdinak planifikaziorako ardatza direlarik, ikasleen ekoizpenak, gurasoekiko proposamenak, bibliografia, hitzaldien bideoak… Emilia Ferreirorenak barne. Gaiari buruzko sarrera giza gogoratu nahi ditut Emilia Ferreiroren hitzak:

 

 

Esperimentazio jolasak haur hezkuntzan

Haur hezkuntzako curriculuma bi urtetan zehar landu eta gero, ihaz hasi ginen haur hezkuntzako mintegian apur bat sakontzen metodologia atalean. Horretarako, eta curriculumaren orientabide metodologikoak kontuan hartuz,  jolasa hartu genuen ardatz. Jolas sinbolikoa aztertu eta gero esperimentazio jolasak landu genituen. Aurten jarraipena eman diogu gaiari: tartekatzen ari gara oinarri teoriko txiki bat, Constance Kamii-ren eskutik, geletako aplikazio zuzena eta, batez ere, irakasleen esperientzien trukaketa.

Testu inguru honetan, aukera izan dugu gaur Berritzegune nagusiko Zientzia hezkuntzako arduraduna, Carlos García, guregana etortzeko. 24 irakasle egon gara Carlosek proposatutako hainbat jarduera egiten airea ardatza izanik. Airearen ezaugarri eta propietate batzuk egiaztatu ditugu: pisua, presioa; aldagai batzuen eragina airean: tenperatura; airearen eragina hainbat objetuetan… eguneroko bizitzako baliabideak erabiliz. Airearekin jolasean zientzia ikasten sekuentzia didaktikoa eskuragarri dago Zientzia-hezkuntza Ekimena sitean.