Geroa Ikastolako haur hezkuntzako bloga

Duela hilabete batzuk blog honetan azaldu genuen haur hezkuntzako blog batzuk agertu zirela blogosferan haur hezkuntzako geletan egiten dena erakusteko asmoarekin. Bide batez, nire zonaldeko ikastetxe baten eskola ezberdinetako blogen berri ematen nuen haiek ere egitera animatzeko asmoz. Proiektuen bidez lan egiten ari dira eta geletan egiten den guztia gurasoei erakusteko asmoarekin bloga egitera “ausartu” dira. Hemen duzue Geroa ikastolako haur hezkuntzako bloga eta, bide batez, nire omenaldi txikia burutu duten andereinoei. ¡Animo eta berdin jarraitu!

Gelako bloga

Gaur egun ezinbestekoa da teknologia berrien erabilera gure geletan, baita haur hezkuntzan ere. Curriculum berriaren oinarrizko konpetentzien artean “konpetentzia digitala” dugu eta haur hezkuntzako edukietan tekonologia berrien erabilera topatu dezakegu besteak beste . Testu inguru honetan, haur hezkuntzako geletako blogek teknologia berriak erabiltzeko aukera ematen digute eta, bide batez, gurasoekin komunikabidea mantentzeko tresna ere izan daitezke, batez ere geletan fitxa gutxi egiten baditugu: karpetak etxera eramaterakoan konturatzen gara geletan bizi den guztia ez dela inon agertuko nahiz eta guk ondo jakin zenbat ikasi duten… Gelako bizitzaren aztarnak ez ezabatzeko Busturiako eskolan, adibidez, haur hezkuntza eta lehen zikloko bloga sortu dute. El Rocio herriko eskolaren bloga ere ikusi dezakegu ideiak jasotzeko. San Juan del Puertoko eskolan, berriz, gela bakoitzako bloga sortu dute:  los patitos (4 urte B), las gaviotas (5 urte). San Fermin ikastolan ere haur hezkuntzako bloga dute.