Kandelak oxigenoa behar du

Gure zonaldeko ikastetxe batzuetan esperimentuak egiten ari dira haur hezkuntzako geletan. Bideo honetan saio baten egiteko proposamena topatzen dugu. Baliabideak aurkeztu eta gero (ontzia, kandela piztuta…) galdetuko diegu ea zer gertatuko den kandela eztaltzen badugu. Seguraski ez dute inoiz antzeko esperientzia izan eta ¡auskalo zein hipotesiak botako dituzten!. Eztabaida egin eta gero piztutako kandela eztaliko dugu eta ikusiko dugu zer pasatzen den. Kandela amatatu eta gero, berriro eztabaida planteatu denon artean  azalpenak komentatzeko.

Gelako bloga

Gaur egun ezinbestekoa da teknologia berrien erabilera gure geletan, baita haur hezkuntzan ere. Curriculum berriaren oinarrizko konpetentzien artean “konpetentzia digitala” dugu eta haur hezkuntzako edukietan tekonologia berrien erabilera topatu dezakegu besteak beste . Testu inguru honetan, haur hezkuntzako geletako blogek teknologia berriak erabiltzeko aukera ematen digute eta, bide batez, gurasoekin komunikabidea mantentzeko tresna ere izan daitezke, batez ere geletan fitxa gutxi egiten baditugu: karpetak etxera eramaterakoan konturatzen gara geletan bizi den guztia ez dela inon agertuko nahiz eta guk ondo jakin zenbat ikasi duten… Gelako bizitzaren aztarnak ez ezabatzeko Busturiako eskolan, adibidez, haur hezkuntza eta lehen zikloko bloga sortu dute. El Rocio herriko eskolaren bloga ere ikusi dezakegu ideiak jasotzeko. San Juan del Puertoko eskolan, berriz, gela bakoitzako bloga sortu dute:  los patitos (4 urte B), las gaviotas (5 urte). San Fermin ikastolan ere haur hezkuntzako bloga dute.